Desh me abhi ek topic me bahut zyada bahas ho rahi hai aur argument counter arguments chal rahe hain. Yetopic hai Farmers Bill 2020 aur is bill ke virodh me desh bhar ke farmers, mainlyPubjab, Haryana ke farmers ne National Highway, jo Delhi se Desh ke western parts ko connect karti hai, usko block karke rakhha hai, doosri taraf farmers ka kehna ye hain ki police ne khud road block kar rakhha hai taaki farmers Delhi tak na pahuch paye. Is farmers Bill protest ko lekar logo me aisa gussa tha Indian corporates ke upar, ke farmers ne eksaath milkar Reliance Jio ko chorkar Airtel sim lene ka announcement bhi kar diya tha. Ab samajhne ki baat ye hai ki farmers bill kya hai? Kyun isko lekar log itna bhadak gaye hain? Kyun corporates ko lekar itna gussa hai? Ye saari baatein aaj ke video me main bataunga. Lekin aapko post ko end tak read krna padega, tabhi aap samajh payenge ki is protest aur bill ke peeche kya sachaai hai, aur kaise ye Indian investors, agri sector and economy ko impact kar sakti hain. Aur doston, post ko like aur blog ko subscribe karna mat bhuliyega.
aur yadi Demat trading account open Avi tak nhi hua h to free me account open kre click here
Farmers Bill 2020 Samajhiye
September 2020 me Farmers bill lok sabha me pehli bar paas hua. Uske baad ye Rajyasabha me jab ye bill laya gaya, tab bahut hungama bhi hua, lekin uske baad voice vote ke zariye Rajyasabha me bhi ye bill pass ho gaya. Is bill ke jo main 3 mudde the wo ye hai
APMCs ka Monopoly khatam karna
APMC ka matlab hai Agricultural Produce Market Committee, jo desh me saare agricultural products ke vyapar ka one and only marketplace hai. ABhi filhaal Desh me sirf APMC me hi agricultural products ka dhanda hota hai. Ab iske dono sides hai. Independence ke baad jab desh me food crisis tha, usi time APMC banaya gaya tha, aur us waqt Food Corporation bhi bana tha, jo sarkar ke taraf se APMCs me Agricultural products ko khareedte hain. Yaani is bill ke pehle tak, sirf sarkar hi Agricultural products ko khareed sakti thi. Is poore process me ek term bahut important hai - MSP - Minimum selling price. Isi ko lkear saara maramari hai.
MSP Kya hai?
MSP ka matlab hai insurance, jo sarkar har saal agricultural season se pehle issue karti hai farmers ke liye. Is MSP list me 23 farm products involved hai. Halaaki sarkar sirf Rice aur wheat hi kharidti hai. MSP ka matlab hai ki fasal ugne se pehle hi wo minimum kitne daam me bikega ye tai kiya jaata hai sarkar ke taraf se. Iska kya fayda hai? Iska fayda ye hai ki agar kuch karan se, koi natural disaster ke wajah se fasal kharab ya barbaad hoti hai, ya fir bahut zyada produce ho jaati hai, to bhi sarkar ek minimum price pay karti hai kisano ko, taaki unka poora loss na ho jaye. Ye ek social safety net jaisa keh sakte hain. Jaise aap aur main mediclaim karte hain, taaki beemari ke waqt kuch amount ka rahat mil jaye. Lekin interesting baat ye hai ki MSP har saal hone ke baad bhi aaj tak MSP ek law nahi bana hai. Ye sarkar deti hai, lekin sarkar isko dene ke liye obligated nahi hai. Yahi main wajah hai jisse kisaan bhadke hai.
Kisaan kyun gussa hai?
Farmer bill me kaha gaya hai ki sirf APMCs nahi, balki corporate houses aur individual retailers bhi Agri products ko retail me khareed sakte hain. Yaani abhi is bill ke baad koi bhi Agricultural products ko kisike paas bech sakta hai. Aur Kisaan apne produce ko interstate le jaake bhi bech sakte hain, koi bhi state uspe extra cess ya tax nahi laga payega. Farmers bill ke isi topic pe kisaan ko ye lag raha hai ki Shayad iske baad MSP nahi rahega, yaani jo insurance hai wo chala jayega aur kisaan ko apne haal pe chor diya jayega. Aur isi wajah se sab raste pe aa chuke hain aur har roz zyada se zyada kisaan is movement ke saath jud rahein hain. Lekin kya sach me MSP ko khatam kar diya jayega? Sarkar keh rahi haiki aisa kuch nahi hoga. MSP bhi rahega, APMCs bhi rahenge, khali market ko bada kar diya jayega, taakijisko APMC me nahi jaana wo na jaye, aur wo apna products ko kahi aur bechein. Sarkar ki is baat par kisaan bharosa nahi kar paarahe hain, aur yahi wajah hai ki baar baar meeting hone ke baad bhi dono taraf ke beech koi samhjhota nahi hua hai ab tak. Aisa kyun hai? Ab baat ki gehrai me jaate hain aur samajhte hain ki kisaano ko dar kis baat ka hai.
Poora Sach kya hai
India me 60’s ke time pe food crisis ke waqt, APMCs and Food Protection Bill laya gaya tha. Is bill me ek bahut important part tha Kalabazaari yaani zaroorat se zyada agri products store nahi karne ka law. Is law ko 2020 ke bill me hata diya gaya hai. Yaani abhi, corporates aur private players agar chahe to wo kitna bhi amount me agri products ko khareed ke usko store kar sakte hain. Ye sirf ek provision hai. Lekin farmers ko isi par sabse zyada problem hai. Upar se 2020 Farmers bill me ye bhi kaha gaya hai ki corporates and farmers ke beech me agri season ke pehle areement kiya jaa sakte hai jisme agri products ka price aur amountsab fix kiya jayega jo ek taraf se MSP ki tarah hi hoga.
Ispe farmers ka kehna hai ki wo corporates ko bharosa nahi karte, kuch whatsapp rumors aise bhi failaye gaye ki Reliance aur Adani ne already bade bade Agri products storage units bana liye hai jo ek chote gaaon ke size ka hai. In sab se farmers ko aisa lag raha hai ki wo sarkar ke safety net se dur, corporates ke andar aa jayenge kyun ki Reliance aur Adani desh ke sabse bade do corporate houses hain aur agar wo kisi sector me ghus gaye to poora control leke hi chorte hain. Aur isiliye unko ye lag raha hai ki APMCs nahi rahenge aur MSP chali jayegi, aur desh ka Agriculture bhi privatize kar diya jayega. Aur kyun ki Storage pe koi limit nahi hai, to in products ke prices bhi bahut bahd jayenge jaise ek time pe kalabazari karne waale karte the. Yaani kisaano se kam daam pe agreement karke fir usko bahut zyada daam me public ko becha jayega.
Sarkar ka kehna hai ki ye itna asaan nahi hai. Adani aur Ambani ne bhi aise food storage units banane ke rumors se inkaar kiya hai. Reliance filhaal retail aur telecom me ghusi hui hai aur Adani Green energy me poora focus kar raha hai. SArkar ka kehna hai ki APMCs me jo commission khor hai unko bahar nikalne ke liye ye bill laya gaya hain. Is APMC mandi system me jo beech waale log hain, unhone saalon se bahut zyada fayda loota hai sirf in mandyon ko chalake. Ye bhi sachhai hai. Aur upar se Punjab aur Haryana me sabse zyada MSP ka fayda hota hai kyun ki wahan Rice aur Wheat sabse zyada ugay jaati hai. Iska environmental effect bahut bura hua hai, kyun ki saalon se, MSP lene ke liye Punjab, Haryana aur Desh ke western belts ke kisaan, kam paani waale mitti me bhi Rice and wheat uga rahe hai, aur India ke groundwater levels kam hone ka ye ek bada reason hai.
To is bill ke do pehlu aise hai, aur kisi bhi side ka ek doosre pe bharosa nahi hai. Isiliye aaj poora desh farmers protest se guzar raha hai. Agar sarkar bil ko lane se pehle kisaano se baat kar leti aur unko confidence me le leti ki ye bill unke future ke bhalai ke liye hai aur isme unka sirf fayda hi hai, to shayad situation better hosakta tha. Filhall 29th December ko firse dono side ke beech me meeting hone waali hain. Uske baad pata chalega ki ye protest kitna door jayega aur iska kya long term impact hoga.
0 Comments