Angel Broking Shares me Upper Circuit - Q2 ke Dhamakedar Performance ne lagai aag
Har din kaunse share me dhamaka hoga ye kehke channel chalane waale YouTubers ke liye aaj ka din ek aisa din tha jab, in me se kuch ko, apni purani baat ya prediction hajam karni padi. Ye tab hua jab record tod Q2 performance ke baad Angel Broking ke shares me upper circuit laga, aur wo 20% upar jaake 298.50 me band hua (27th October market band hone tak). Aur yahi par mera perdiction sahi saabit hua ke hamesha short term ka sochenge to long term me galat saabit ho sakte hain. Aaj ke video me main analysis karunga ke Angel broking kyun lockdown hone ke baad bhi record tod Quarterly profit register kar paya, kaise aap aise record tod performance ko pehle se guess kar sakte hain aur sahi tareeke se trade karke lakhon aur crores kama sakte hain. Lekin video me aage badhne se pehle sabko request ye karunga ki mere Blog ko subscribe kijiye aur post ko like share zaroor kijiyega. Aur Blog me diye gaye links ko use karke apna demat account kholke share market me trading shuru kar sakte hain kuch hi minutes me. To aayie aapko pehle batate hain ki Quarterly results ka summary kya hai.
Angel Broking Q2 Summary
September me khatam hone waale quarter me Angel broking ne record tod sabse zyada profit in a quarter - 74.6 Crore - post kiya hai. Ye number June ke quarter me 48.3 Croretha, yaani agar sahi tareeke se dekha jaye to in 3 mahine me Angel Broking ne apna profit ko almost double kiya hai, jo is lockdown aur economic instability ke time par ek bahut badi baat hai apne aap me. Company ka total income, is quarter me 29% increase hua - jo pichle quarter 247 Crores tha, wo is quarter 318 Crore hua hai. Average Daily Turnover lagbhag 107% badha hai aur 1281 Billion ke kareeb hai Q2 me. Company ke taraf se diye gaye sattement me sabse positive baat jo saamne aayi wo ye hai ki COmpany ne Q1 me apna client base - jo 339k tha, usko Q2 me 59% increase karte hue 539k kardiya hai. Ye dikhata hai ki indian public zyada se zyada share market me invest karna cha rahi hai aur Demat account kholne ke liye Angel Broking ko choose kar rahe hain.
Angel Broking ke Growth ka Analysis
Angel Broking ke is growth ke peeche hai unke mahagement ka vision, wo visiob kya hai aur kaise aap aise visionary management waale companies ko identify karenge taaki aap bhi kama sake aur zyada? SAbse pehle, Angel Broking ke business model ko Physical se Digital ki taraf le jaana ek bahut sahi aur timely decision tha unke management ka. 2019 Q1 Se hi Angel ne Apne Business ko DIgital ki taraf le jaana shuru kiya tha, aur Aaj jaake unka ye decision kitnasahi saabit hua haiye aap dekh sakte hain. Ek strong digital background aur 20 saal se zyada ka experience hone ke wajah se, Angel Broking ne asani se ye transition complete kiya, aur jaise hi corona ka lockdown hua, ye digital business ne apna rang dikhaya. Lockdown ke wajah se jab sab physical centers band karne pade, to asset cost bahut kam ho gaya. Lekin business optimization aur digital avenues ke wajah se business me munfa aur growth dono dekhne ko mila, yehi wajah hai ki lower asset cost and increased operating profitabity ka ye compbination kamaal kar gaya Anhel Borking ke liye.
Isse aap kya seekh sakte hain?
1. Badalte samay ke saath jo companies apne strategies badal sakte hain, wo hi lambi race ke ghode hote hain
2. Koi bhi business model permanent nahi hota, permanent hota hai clients ka clients ka trust and unki di hui service quality.
3. Service quality ko maintain rakhna sabse important hai jo Angel broking ne lockdown ke time pe bhi maintain kiya, work from model ka behratreen example set karte hue lakhon accounts har mahine open kiye aur apne clients count ko 59% upar leke gaye sirf 3 mahine me.
4. Koi bhi problem ko opportunity mein badla ja sakta hai, sirf experience and creativity honi chahiye
TO agar aapne ye saare points ko kisi bhi company me identify kar diya hai tosure rahiye ke aapka decision sahi hai aur long term me aap accha kamai karenge hi karenge.
Har din dhamaka karne waale Blog ka kya?
Doston main fir se kahunga, bahut saare aise Blog hai jaha aapko har din dhamaka dikhega, aur daily koi na koi stocks ke upar repetetive ek hi baat kar kar ke wo aapko pakadenge aur lakhon views bhi le jayenge. Aise hi kuch Blog ne IPO ko pehle Angel Broking ke baare me ye kehke daraya ke Grey Market premiem kam hai matlab bahut loss hoga, 306 ka issue price me jab 275 pe list hua10% disocunt ke saath, bahut Blog ne kaha ki ye to sahi nahi dikh raha, company ke cash flow me problem hai, competition zyada hai aur bhi kitne fala baatein jo sunke kitne logon ne shayad shares bechbhi diya. Tab maine kaha tha ki Angel Broking aisi ek company hai jo 20 saal se zyada indian market me trade kar rahi hai bharose ke saath, aur aage bhi karegi, kyun jo company pichle 20 saalon me hue technological changes ko survive karke top level technology based company me transform kar sakti hai, wocompany sirf aur sirf aage hi jaa sakti hai. Aur main aaj bhi kahunga ki Angel ka business model aisa hai kiwo growth and service oriented hai, aur unke peeche strong management skills and experiece hai. Sabse badi baat ki wo clients ka account kholkar unko waise hi chor nahi deti, magar unko har kadam pe guidekarti haiaur ‘apne Artificial Inteeligence driven RObo advise ke zariye beginners se lekar advanced level tak traders ko profit kamane me madad karti hai. To Angel Ke shares long term ke liye acche hai, aaj 20% upper circuit laga hai, dekhte rahiye, festive season ke baad aur bhi dhamaake hone ke chances hai aur sahi information ke saath judiye, har awaaz information nahi hoti, aur har information zaroori nahi, ki sahi ho. To informed rahiye, invested rahiye.
0 Comments