Amazon to file Criminal case against Future Group - Picture abhi baaki hai mere dost

Almost do saal se Amazon aur Future group ke beech mai ek badda hi interesting legal war chal raha hai jo koi Bollywood blockbuster se kam nahi. Yeh kahani ki shuruwaat tab hui thi jab Kishore Biyani ka future group jis-se hum Big Bazaar ke naam se jaante hai karze mai doob raha tha aur company ko sahara dene ke liye Biyani ne Amazon se 1,500 crore ka deal sign kia tha.

 

Ab yahan koi controversy nahi hai…legal war toh tab shuru hua jab Amazon aur Future group ke beech mai aaya Reliance.  Aur fir ‘Future Group’ ko leke hua Amazon aur Reliance mai cold war aur legal confrontation, thik waise hi jaise American TV series ‘Suits’ mai dekhne ko milta hai. Din-ba-din ye legal confrontation bhi kaafi exciting hote jaa rahi hai – aakhir iss kahani ka climax hi batayega kaun Banega India ka Retail Badshaah…toh dekhte hain iss legal war ko in detail mai aur jaante hain ki kyun Amazon karna chahta hai Future Group pe ek criminal case -

 Open demat and trading account

Kyun Kar Raha Hai Amazon Future Group par Criminal Case?

 

Jab Future Group aur Amazon ka contract deal sign hua tha toh uske according Future group kisi bhi Amazon ke rival company se tie-up nahi kar sakta tha – fir chahe wo Walmart ho, Google ho, Alibaba ho, SoftBank ho, Zomato, Swiggy ya fir Reliance ho. Lekin jab pandemic ke time Future group ki halaat aur kharab ho gayi tab Future group ne Reliance ke saath 2020 mai ek deal sign ki aur Rs. 24,713 crores mai apna saara business Reliance ko sell kar dia.Deal hote hi sab kuch Reliance ke paas aa gaya.

 

Ab aap sochenge ki iss mai galat kya hai? Company ko buyer mila aur usne sell kar diya. Simple! Lekin, Amazon ke hisaab se ye unke pact ka seedha-seedha violation tha. Isiliye Amazon ne immediately apna complain file kia – Indian courts main ahi balki Singapore International Arbitration Center (SIAC) mai.

 

Aur fir lag gaya Reliance aur Future ke deal pe ek acha khaasa hault.

 

Amazon aur Future Group ka drama SIAC mai hi nahi balki Delhi court, Supreme court aur CCI, NCLT aur NCLAT mai bhi chala aur iss pure process mai, Amazon k,o Singapore aur Indian Courts dono se hi backing mili hai.  Lekin Future Group ka kehna hai ki usne koi galat kaam nahi kia hai.

 

Aapko bata dun Future group ne Amazon ke against Delhi court mai case kia tha aur fir Supreme court mai bhi appeal kia tha.

 

Meanwhile,

 

Reliance future group ke kuch 500 stores ko take over bhi kar raha hai aur us-se rebrand bhi kar raha hai. Jee haan, sources ke hisaab se Reliance ne possession lena shuru kar diya hai. Amazon jo khud bhi India ke har ek city mai jaa kar grocery aur essentials bechna chahta hai ab fir ek baar tayar hai Future group ke against case karne ko. Lekin iss baar criminal case – Kyunki SIAC ke halt lagane par bhi Future ne Reliance ko apne assets bechein. Yeh criminal proceedings agar shuru ho gayi Amazon ki against Indian retail outlets – Future and Reliance toh pata nahi verdict kaise aur kis disha mai jayegi.

 

Yeh Legal War Batayega Future - Kaun Banega India ka Retail King?

 

Estimate ke hisaab se India ka retail business 2025 tak kuch $1.3 trillion tak ho jayega. Amazon aur Reliance dono hi iss sector mai ek dusre ke competitor hain. Aise mai agar Reliance ko Future group mil gaya toh Amazon ko seedha seedha loss hai future mai. Simple hai, jisko mila ‘Future’ ka advantage usko mila ‘future mai online aur offline retail business ka advantage!’. 

 

Isliye ab Amazon fir se ek baar lag gaya hai ‘Future Group’ ke peeche aur most probably issi hafte case bhi karega. Jaise jaise hume lagta hai ki iss legal battle ka end ab nazdik aa raha hai waise hi kuch naya twist dekhne ko milta hai. Ab kaun Banega India ka Retail King toh philal kehna mushkil hai, lekin itna toh zaroor keh hi sakte hain ki,,,Picture abhi baaki hai mere dost!