Tata Motors Q3 numbers fall, Ye chip Shortage Kya hai"

2021 Tata Motors ke liye kaafi zabardast raha – Naye CNG variant aur Electric cars ke tayari se leke, high monthly, quarterly aur calendar sales ke saath, yeh company ne harr angle se progress hi kiya hai. Pichle mahine bhi 35,299 units ka sale karke Tata Motors ne apna Year-Over-Year growth bhi laghbagh 50% badhaya…jiske wajah se company ne Hyundai ko beat karke Indian automotive market mai apni jagah number do pe bana li. Toh jab sab kuch acha khaasa chal raha tha, achanak se aisa kya hua, jiske wajah-se company ko Q3 mai 1,516 crore ka net loss hua jab ki thik ek saal pehle company ko 2,900 crore ka fayda hua tha?

Agar aap chahte hain desh ke number 1 Full Service Broker, jo abhi ek Fully Functional FIntech company me transform ho chuki hai, matlab AngelOne ke saath aapka Demat account open karein, aur best facilities payein jaise

1. One year Free AMC
2. Smallcase
3. SmartAPI
4. Flat 20 Rs brokerage
5. Personalized advisory
6. MTF Facility

In sab ka fayda lene ke liye, diye gaye link ko click kijiye aur apna free demat account aaj hi open kijiye.

Kya Reason Hai Tata Motors Ke Losses Ka?

Well, iska prime reason hai Tata Motors ke Britian ki subsidiary Jaguar Land Rover ji-se hum JLR ke naam se bhi jaante hain. Tata Motors ka overall 80% revenue iss company se aata hai, lekin retail sales kam hone ke wajah se iss company ko bhaari nuksaan hua hai. Aisa nahi hai ki market mai gaadiyon ka demand nahi hai, sales kam hone ka kaafi alag reason hai – ‘global semiconductor chip shortage.’ Ji haan yehi chip shortage ke wajah se JLR ke sales jitney expected the utne nahi huye.

Aap soch rahe honge - Ye chip Shortage Kya hai aur Iska Gaadiyon Se Kya Lena Dena Hai?

Chailye Jaante Yeh Chip Shortage ka Wajah, mainly - yeh kya hai aur kyun ho raha hai -

Chip shortage ek ongoing crisis hai jo kareeb 2020 se chal rahi hai. Iske kuch mukhya karan hain - jaise ki pandemic, China-US trade war, kaafi saare weather incidents jinke wajah se manufacturing plants band ho gaye, aur manufacturing units mai fire incidents - jiske wajahse market mai demand toh bohut zyada hai par supply ki kaafi kami hai. Kariban 169 countries iss-se affected hain aur market mai shortage hone ke wajahse isska daam bhi din-ba-din aasman chhu raha hai.

Yeh chip automotive industry mai hi nahi balki gaming consoles, cryptocurrency mining aur gaming PC mai bhi use kiya jaata hai. Pandemic ke time se yeh sabhi cheezein kaafi demand mai rahien hain, jiske wajah se automotive industry ko aur bhi taklefeein jhelni padi – ek toh shortage, uparse competition.

Consulting firm AlixPartners ne September 2021 mai forecast kia tha ki global automative industry ko $210 billion ka nuksaan ho sakta hai. Ab aap samjhe Tata Motors kyun Q3 mai loss mai raha?

Ji haan, yehi semiconductor ke shortage, supply disruption, inflated price aur delayed production ke wajah se JLR aur Tata Mors dono hi kaafi loss mai rahein. Tata Motors hi nahi sabhi global automobile companies iss global crisis se pareshan hain – chahe wo BMW ho, General Motors ho, Renault ho, Toyota ho ya Ford Motors. Analysts aur research firm ka maan-na hai ki 2022 mai bhi semiconductor chip shortage continue rahega lekin umeed hai ki iss-ke supply chain mai dheere dheere sudhar hoga.

Global scenario jo bhi ho, India ke liye ek good news hai -

Well, wo yeh hai ki, ab India bhi semiconductor manufacturing ki planning kar raha hai aur umeed hai ki 2022 ke end tak India mai bhi chip units honge. Iss industry ko establish karne ke liye, December 2021 mai, India ne $10 billion incentive plan approve kia hai. India ek electronics manufacturing hub bann-na chahta hai aur Taiwan aur dusre chip making countries ko bhi takkar dena chahta hai.

Agar semiconductor units India mai aa gaye toh zaahir hai yeh industry toh flourish hogi aur iss-se generate hoga kaafi saara employment – Export bhi badhega aur fir aayenge asli acche din, naa sirf automotive industry ke liye balki Indian economy ke liye bhi!