Mark Zuckerberg loses 31 Billion - Kya Tech Companies mushkil me hai ?

 

Kya aapko pata hai Facebook ke shares kal 26% girre? Jiske wajah se Mark Zuckerberg ko 31 billion ka loss hua? Waise toh share market mai girna-bhadna aam baat hai lekin Facebook ke girne ki wajah kuch gambhir hai.

 

Aapko yaad hoga Facebook ko October 2021 mai rebrand kiya tha - Lekin company ko rebrand karne ke baad Facebook ko wo dekhne ko mila jo 17 saal mai usne kabhi bhi anubhav nahi kiya tha.  Well, quarterly reports ke hisaab se Facebook ke daily users ki sankhya 1.93 billion se ghatt kar 1.929 billion ho gayi hai. Waise toh yeh girawat percentage wise kuch khaas nahi hai, lekin, aapko bata dun Facebook ne apne ithihaas mai isse pehle kabhi bhi aisa reversal nahi dekha hai. Kyunki jabse social media platform Facebook ki shuruwaat hui hai, tabse iske daily active users ki sankhya sirf badhi hai, kabhi bhi ghati nahi, until now

 

Toh kya jo log bol rahein hain wo sach hai – kya yeh Facebook ke anth ki shuruwaat hai? Kya yeh ek indication hai ki Facebook se ab log ubhh rahein hain? Ya fir kya yeh development investors ko ek cautionary notice de raha hai - ki aane waala dashak tech companies ke liye kaafi nuksaan dayak ho sakta hai unlike earlier times – Aayie dhundte hain inn prashno ke jawab - 

Agar aap bhi chahte hain Demat and Trading Account Open krna to yaha click kre.

Toh Kya Hai Aisi Wajah Jiske Chalte Facebook Last Quarter Mai Naye Users Nahi Jodd Paya?

Ek wakt tha jab Facebook par pura young crowd din bhar padda rehta tha lekin kaafi samay se Facebook young crowd ko attract nahi kar paa raha. In fact, 30s ke neeche waala crowd Facebook chodh kar kaafi alternative platforms se judd rahein hain jaise ki TikTok aur SnapChat. Yahan takk ki teenagers aur college going students ka maan-na hai ki Facebook is for the 40s and 50s – Jahan content boring hi nahi balki kaafi negative aur misleading hote hain.

Kaafi hadd tak Facebook ne apne aap ko Instagram ke through ‘Youth-relevant’ rakha tha lekin ab Insta ko bhi TikTok aur SnapChat se kaafi competition mil raha hai.

Agar aap Instagram, TikTok ya SnapChat dekhein toh teeno platform mai koi khaas difference nahi hai – sab ek hi jaise hain. Har jagah almost sab kuch same hi hai. Dekha jaye toh mai pichle dus saal mai social media ne koi major break-through ya innovation nahi dekha hai. Wohi cheezein repeatedly aa rahi hain aur upgrade ho rahi hain.

Yaad hai kaise humne pehli baar phone ke OS ke madhyaam se apna train ka ticket book kia tha? Woh tha tech upgradation. Aaj toh sirf tech saturation dekhne ko milta hai – Jahan technology toh upgrade ho rahi hai lekin koi ground-breaking ya revolutionary innovation nahi hai. Social media hoy a Indian IT firms sabka yehi haal hai.

Aur Facebook toh Kaafi Time Se Critics Ka Favourite Raha Hai aur Log Iss(se) Pareshan Bhi Hain

Aap ko bata dun Cambridge Analytica Scandal koi ek matra incident nahi jahan Facebook ke wajah se logon ka data leak hua. Aise kayi saare incidents hain…Ye regularly hote rehte hain. Piche saal April 2021 mai 1,55,000 Indians ke Facebook accounts compromise hue the. Iske alawa Facebook pe kayi saare misinformation campaigns chalte rehte hain jiske wajah se Facebook kaafi samay se apna credibility bhi kho raha hai. Tabhi na youngsters isko ‘oldies ka platform’ bata rahein hain aur saath hi mai negative aur misleading bhi keh rahein hain.

Agar aap kaafi samay se Facebook use kar rahein hain toh aapne dekha hoga ki kaise user experience mai bhi Facebook mai ab wo baat nahi rahi – Black Americans ka toh kuch saalon se Facebook se kaafi on and off relationship raha hai aur ab wo bhi iss platform ko Dheere Dheere chhodd rahe hain.

Toh Kya Ab Facebook Ki Ulti Ginti Shuru Ho Gayi Hai?

Well, Facebook aur Microsoft dono hi company ne bataya hai ki kaise wo ek virtual reality-based metaverse develop karenge aur kaise aage jaake sab kuch metaverse pe hoga – chahe virtual meetings ho ya workers ka interaction. Metaverse ko leke Bill Gates aur Mark Zuckerberg dono hi kaafi Positive Hain. Aur aage chalke yehi virtual office related tech aur Information technology Microsoft ko hi nahi balki Facebook yanni ki Meta ko bhi arbbo ka fayda de sakta hai..tabhi na Mark Zuckerberg apna time, paisa aur research sab Metaverse ki tayyari mai laga raha hai.

Iske alawa Facebook bhi dusre tech companies ke jaise payment services mai aa gaya hai - Facebook Pay aur WhatsApp Payments ke zariye - Aur aane waale time mai Google Pay, Walmart-backed Phone Pe aur Alibaba backed PayTM ko bhi bhaari takkar de sakta hai.

Aap dekh rahein hain kaise tech companies ab financial market mai Dheere Dheere smartly apna jagah bana rahi hain aur ek tarah se apna khud hi bank chala rahi hain? Well, current situation ko dekh kar, yeh logical hi nahi, balki kaafi acha business step hai – bus aage dekhiyien kaise ye companies dusre domain mai ek dusre ko takkar deti hain….

Besides, Zuckerberg aur Ambani ki partnership bhi abhi tak kaafi unexplored rahi hai, kya pata ye dono heavyweights aane waale time mai kya kya naya twists and turns layaein?