Inflation is high, Market is down - Kya yahi hai right time to invest?"

December 2020 se December 2021 tak Sensex 10,502 points bhada aur NIFTY mai bhi 3372 points ka increment dekhne ko mila. 2021 undoubtedly stock market ke liye ek bohut hi shaandaar saal raha - jahan indices hi nahi, balki investors ke profits bhi bhade. Lekin mid-Jan 2022 se leke till date hum sab jaante hain ki market ka badda bura haal raha hai. Inflation continuously bhad raha hai lekin market mai koi tezzi nhi dikh rahi. Sabhi stocks gir rahe hain aur tech stocks toh apne 52-week low din-ba-din todd rahe hain – Toh ab jab stocks kaafi gir chuke hain, kya yahi right time hai invest karne ke after all, buying in dips can be profitable, right? Aayie chaliye dekhte hain.

Yadi aap bhi Demat and Trading account open krna chahte hai investment ke liye to click here.

Sabse Pehle Dekhte Hain, Ki kyun hai market down?

India ke Sensex aur NIFTY hi nahi balki USA ka Dow Jones, Europe ka FTSE, Japan ka Nikkei bhi kuch samay se girr hi rahe hain – iske mainly do reasons hain, pehla, fear of war between Ukraine and Russia aur dusra rising crude oil prices – jiske wajah se inflation figures bhi sabhi deshon ke kaafi bhad gaye hain, fir chahe USA ho ya India, Russia ho ya South America.

Aur high retail inflation rates ke wajah se, Federal Reserve bhi interest rates bhadane ke tayari mai hai. Aur agar ye rates ek baar bhad gaye, toh obvious hai public ka paisa stock market mai nahi balki seedha bank mai jayega. Iske alawa India mai toh Foreign Portfolio Investors yaane ki FPI selling spree mai hai – jo apne stocks lagatar bech rahe hain. January mai hi 10,350 crore se zyada FPIs ne apna paisa Indian market se withdraw kar lia tha.

 

Yehi kuch main factors hai global aur Indian downfall ka. Jee haan, 2022 mai market aur economy ko Covid-19 nahi balki inflation se khatra hai.

 

Kya Iss Girte Market se Aap Bhi Pareshan Hain? Agar Hain, toh Let me make you see the positive side -

 

Warren Buffet ka bohut hi famous advice hai ‘be greedy when others are fearful’ jiska matlab hai ki jab market mai negativity chhaee hui hai aur market down hai wohi samay hai stocks ko low price mai kharidne ka. Socho ki agar aap bluechip stocks ko unke low pe kharidte ho toh aage jaake wo bullish market mai aapko kitna fayda dega. 2018 mai Reliance 850-900 ke range mai tha aur aaj 2400+ ke range mai hai waise hi TCS 1300-1400 ke range mai tha aur aaj 3700+ plus mai hai - Kya aap bullish market mai inko kharidenge ya fir aise dip mai kharid kar profits ka laabh uthenge. Hai na sochne waali baat?

 

Well, aapko bata dun Warren Buffet ne aise time par hi invest kar karke karodo ka profits kamaya hai. India ke Rakesh Jhunjhunwaala bhi kuch aisa hi karte hain.

 

Besides, stock market mai ek bohut important cheez hai, jo hai, ‘right entry’ – ek baar aapne sahi investment strategy lagakar sahi samay par entry kar li toh market mai aap apni kashti samhaal hi lenge. Tabhi na kaafi investors itne saalon se naa sirf tikke hain balki kaafi profits bhi kama rahein hain.

 

Aur fir fact toh yehi hai ki, stock chahe kitna bhi bhadde ya gire, indices kitna bhi chaade ya ghatte, aapko profit tab hi hoga, jab aap market mai sahi samay par sahi entry lein.

 

Agar aap soch rahein hai ki, “Toh kya yahi hai right time to invest?” Well, samajhdaar ko ishaara hi kaafi hai..lekin yaad rahe entry lete wakt aap hamesha ki tarah proper technical aur fundamental analysis hi karke apna paisa investment karein.

 Happy Investment!