Kuch hi dino pehle ki baat hai jab Adani group ke companies
ke baare me kuch aisi news aayi thi jisse unke shares ko bhari loss hua. May ke
mahine me jaha Adani India ke number 1 richest person banne wale the, wah unke
shares ke losses ke wajah se ye crown unko milte milte reh gaya. Mujhe pata hai
ki mandi ke is time pe kaun bana desh ka number 1 arab pati ye jaan ne ke liye
aap ke paas na time hai, na mere paas batane ke liye patience hai. Lekin is
incident me kuch aisi baatein saamne aayi hai jo aap sab investors ke liye jaan
na bahut hi zaroori hai. Kya hai wo baat? Kya hai ye poora case? Aaj ke post me dekhenge hum. Lekin pehle blog ko subscribe kijiye aur blog ko like share subscribe karna mat bhuliye ga.
Adani ke 3 promoters ke Demat account freeze
Adani enterprises ke shares pichle 1 mahine me lagbhag 8.37%
gir chuke hai. Ye giravat is news se aayi ke Adani group ke 3 foreign promoters
ke Demat accounts ko NSDL ne freeze kar diya hai. Is news se pehle Sucheta
Dalal ke ek cryptic tweet bhi aaya tha jisme kisi ka naam na karte hue unhone
kaha tha ki Indian share market me manipulation kuch aise chal rahe hain jo 92
ke scam ke time pe hue the, kuch companies, jinka koi inherent worth hai hi
nahin, wo apne shares ko badha chadha ke apna valuation badha rahe hain. Iske theek
agle din NSDL ka jab Adani ke upar decision aaya, tab sab ne 2 aur 2 5 samajh
liya aur ye kehne lage ki shayad kuch bada ghotala ho raha hai. Isi frenzy ke
wajah se market me Adani group ke shares ke taraf sentiment negative hone laga
aur tabse ye shares niche hi jaa rahe hain. Lagbhag kuch BIllion dollars ka
loss face kiya hai Adani group ne in kuch dino me.
Kya Hua tha asal me
Albula Investment Fund, Cresta, and APMS Investment Fund
together hold 6.82 per cent in Adani Enterprises, 8.03 per cent in Adani
Transmission, 5.92 per cent in Adani Total Gas and 3.58 per cent in Adani
Green. Is holding ke hisaab se ye companies Adani group ke FPI yaani Foreign
Portfolio Investment hue. In 3 companies ke paas Adani group ke lagbhag 40000
Crore Shares hai.
Ab sawal ye tha ki accounts freeze kyun hue hain? Aap in 3
foreign companies jo mauritious based hai, inke baare me Google karenge to
aapko ye pata chalega ki ye 3 companies ka registered address same to same
hain.
33 Edith Cavell Street
Port Louis , 11324
Mauritius
Sabse bada probelm hai pe raise hua tha ki jab 3 alag alag
companies ek hi adress se registered hai, tab kya ye shell companies hai? Shell
companies ka matlab hai ki koi ek aisi bogus company jo sirf naam ke liye
registered hai, aur uska owner ka asli objective hai shell company ke zariye
apne hi kisi aur company ke shares ko khareed ke uska demand create karna,
taaki investors ko aisa lage ki ye shares ka high volume trade ho raha hai, aur
market sentiment upar jaye aur log aur zyada karke shares ko khareede. Ye ek
illegal activity hai.
Main ek baar bhi ye nahi keh raha hu ki aisa hua hai Adani
group ke shares ke saath, mera ye bolne ka matlab ye hai ki aisa logo ne socha
jab NSDL ka actio liya gaya aur 3 companies ke address ek hi paya gaya.
Parliament me hungama
Desh ke ruling party ke saath Adani group ke rishte ko lekar
parliament me bahut hungama hua, opposition ne demand kiya ki is case ko lekar
investigation kiya jaye aur sachhai samne laya jaye. Uske Baad Adani group ki
taraf se bhi statement ye aaya ki in 3 companies ke demat accounts freeze hone
wali baat me poora sach nahi hai.
Ye baat ab jaake samne aayi hai jab NSDL ne ye kaha hai ki
ye 3 foreign companies ke sirf GDR wale accounts freeze kiye gaye hain. Inke
aur bhi bahut sare demat accounts hai jo fully functional hai. Iska kya matlab
hai? Kya iska matlab dal me kuch kala nahi hai?
GDR kya hai?
GDR ka matlab hai Global Depository Receipt. Iska
significance ye hai ki ye banks se milne wala ek certificate ya aisa receipt
hai jisko trade kiya jaa sakta hai international markets me, lekin ye
certificates actually equity ownership represent karta hai. GDR ek aisa
financial instrument hai jiske zariye videsh ki koi bhi company desh ke kisi
bhi company ka equity khareed aur trade kar sakti hai. Aur isi GDR ko lekar
NSDL bahut baar apna gussa dikha chuka hai ki GDR ke zariye stock manipulation
and other malpractices ki jaa rahi hai. Aur NSDL ne in 3 foreign companies ke
sirf GDR accounts ko hi freeze kiya hai.
Ab iska matlab kya hai? Kya GDR accounts freeze hona choti
baat hai? Ya fir ye ek bade problem ka sirf chota sa symptom hai? Ye baat desh
ki jaanch agencies investigate karegi to hi aage jaake pata chalega. Lekin tab
tak meri advice aapko yahi hogi ki koi bhi stock pe invest sirf aur sirf
technical analysis, financial analysis and company ka history dekh kar hi
karein. Kahi aisa na ho ki public ki baat sunte sunte aapka jeb koi aur kat le
jaye.
0 Comments