Adani Group ke shares pe Lower Circuit, NSDL ka Action, Kya hai Case?

Sucheta Dalal ka naam jin logo ko nahi pata hai, wo please ya to Google kar lein, ya fir Scam 92 bolke Web series aayi thi, wo jaake acche se dekh lein. Dcam 92 ka theme tha Harshad Mehta ka alleged Ghotala, jisme unhone bahut  kam time me bahut zyada paisa kama liya tha. YE paisa unhone kaise kamaya tha ispar breaking story banayi thi Sucheta Dalal ne. Jo times of India me aane ke baad poora matter government ke nazar me aaya, aur fir jaake regulatory actions liye gaye, ye scam mere aaj ke video ka topic hai nahin. Aaj main baat karunga ek naye case ke baare me jiska start bhi Sucheta Dalal ke ek tweet se hua tha, aisa logo ka kehna hai. Halaaki isme dono taraf ke views main bolunga, mera kaam side lena nahi hai, magar jo hua hai usko sahi tareeke se aapke saamne rakhna hai, taaki investors ko har ek breaking khabar ka sach aur details pata chal jaye. To post ko end tak read kriyega, blog ko subscribe kijiyega, taki har post apke pas pahuchati rhe.

Aur ap free me demat trading account open krna chahte hai to yaha click kre

 

Case Kya hai?

 

Poora mamla is tweet se shuru hua tha. Jaise aap dekh sakte hain, isko bahut baar retweet kara gaya, ye ek viral tweet ban gaya tha jisme renowned lawyer and union minister Subramanium Swami ko bhi tag kiya gaya tha.

 

Is tweet pe kisi ka naam nahi tha, koi bhi company ka naam nahi tha, khali ye kaha gaya ki kisi ek business house ke shares ke sath operator play kiya jaa raha hai, jiske investors foreign entities hai aur jiska koi sahi hisaab nahi mil paa raha hai.

 

NSDL ka Action

National Securities Depositories Limited ke taraf se fir achanak action liya gaya jab Adani group ke 3 Foreign Investor companies ke accounts ko freeze kar diya gaya. Ye 3 foreign companies ke naam hai

 

●      Albula Investment Fund

●      Cresta Fund

●      APMS Investment Fund

In 3 companies ne Adani group ke 4 listed companies me 43,500 Crore se bhi upar ka investment kiya hai. Aapke jaan kari ke liye bata du ke ye ki gunaah nahi hai, koi bhi foreign investor Indian listed company me proper documentation ke saath invest kar sakta hai. Fir problem kaha pe aaya?

 Open Free Demat account 

Kya hai Problem?

Agar ki foreign investor apne documentation me kuch important matter diclose nahi karta hai to wo ek regulatory violation kaha jaata hai. Ek aisa hi violation in 3 companies ne kiya, ye 3 companies, saare same address me registered hai, ye baat undisclosed thi. May me hi aisi kuch baatein chal rahi thi ki kuch operator play chal raha hai, jaha par bull traders kuch shares ko pump kar rahe hain, is baat  ko thoda bahut strength mila hai aaj ke NSDL ke action ke baad. Ye 3 companies registered hai Port Louis, the capital city of Mauritius and together hold

●      6.82% in Adani Enterprises

●      8.03 % in Adani Transmission

●      5.92 per cent in Adani Total Gas

●      3.58 percent in Adani Green.

NSDL aisa action tabhi leti hai jab koi regulatory issues aate hain, aur sabse pehle wo notice bhejti hai, notice bhejne ke baad agar fund manager reply nahi karta tab jaake account freeze hota hai.

 

Account freeze hone ka matlab hai ki ye companies abhi nahi paisa invest kar payegi na apne shares bech payegi. Isi scam ke baaree me shayad Sucheta Ji ne tweet kiya tha. Iske baare me ab tak adani group ya in 3 companies se koi bhi jawab nahi aaya hai. Lekin samajh lete hai ki isko kyun scam kaha jaa raha hai aur log kyun is news ke baad Adani group ke shares se exit kar rahein hain.

 

Kya Hai ye Scam?

Adani group ke shares ke aaj se pehle ke returns kuch aise the

Aap dekh sakte hain ki lagbhga 900% ke aas pas ka growth dekha gaya hai ek company me, baakiyon me bhi 250% se zyada growth dekha gaya hai.

 

Kya ye growth abnormal hai? Kya high promoter pledge in saare stocks me abnormal hain?

 

Actually operator play kya hota hai ki jab koi company apne shares ko kisi shell company ke zariye boost karta rehta hai, khud hi apne fund managers ke through apne shares ka volume increase karta rehta hai, isse logon ko ye lagta hai ki ye shares high volume me jaa rahe hain aur wo ispe invest karti hai, returns badhta hi rehta hai. Shell companies ka matlab hai ki koi aisa company jiska koi operational business domain nahi hai, wo khali aise hi register karke rakhha hai aur uske through shares ko becha aur khareeda jata hai,jo mostly promoter group ke saath mila hua rehta hai.

 

Isi baat ka investigation abhi NSDL karegi aur pata karegi ki sahi me kya ho raha hai. Is news ke saath in 4 groups ke shares niche aa gaye ek hi din me, inpe lower circuit lag gaya.

 

Adani Group stock                        Last price change in %                       Last trading price

Adani Enterprises                        10% lower circuit                           Rs. 1441.45

Adani Transmission                        5% lower circuit                            Rs. 1522.5

Adani Total Gas                        5% lower circuit                            Rs. 1544.9

Adani Green                          5% lower circuit                            Rs. 1156.85

 

Investors bahut acche se is news ko follow karna chahenge, kyun ki bahut saare logo ka bahut paisa atka hai yaha par. Har khabar ko soch samajh ke fir uspe react karna zaroori hai. Kuch logo ka ye kehna hai ki jab Bear Cartel, yaani jo shares ke prices ko niche laate hain, wo apna operation karte hain tab unpe action nahi liya jaata, lekin agar Bull Traders apna profit karne ke koshish karte hain to alag alag regulation lagaya jaata hai. Lekin kahin na kahin ye dono hi market ko manipulate karte hai aur investor ko chuna lagate hain.

 

Koi bhi company pe invest tabhi karna chahiye jab uske financials strong ho, uska vision sustainable ho aur uska management strong and trustworthy ho.