Aap logo ne notice kiya hoga, ke aap shayadaapne dost ke saath kuch gadget khareedne ke baare me baat kar rahe honge, phone pe ya ghar pe baith ke. Uske baad jab aap Facebook ya social media open karenge, ya Google me koi website open karege, to aapko us product ka advertisement dikhega. Mere saath bahut baar hua hai, kya iska matlab ye hai ki aapka phone aapki baatein sun raha hai aur usko advertisers tak pahucha raha hai? Is ko data privacy kehte hai, yaani aapke choice aur preferences aapka personal information hai. Ye information kisko pata hoga, ye aap decide karenge, kyun ki agar sab ko ye pata hoga, to fir koi bhi us information ka use karke aapko manipulate kar sakta hai, aapke buying decisions ko impact kar sakta hai. Abhi 2021 me sabse bada sawaal is topic pe utha hai messaging service WHatsapp par, jiska owner hai Facebook. Whatsapp ke latest privacy policy ko lekar bahut debate ho raha hai, aur kuch log to whatsapp chor kar Signal naam ke ek naye meesaging app ki taraf jaa rahe hain, kuch log telegram ko messaging app ki tarah use kar rahe hain. Kya itna darna sahi hai? Experts kya kehte hain? Aaj ke video me main poora analysis karunga, Data privacy ko lekar jitne bhi rumors aaye hai, wo sab door karne ke liye. Video ko end tak zaroor dekhein, channel ko subscribe kijiye aur video ko like and share zaroor kijiyega, agar meri baatein aapko sahi lagi to.
Whatsapp ke naye Privacy Rules kya hai?
Experts ke hisab se Whatsapp ke naye privacy rules ka jo hissa sabko khatak raha hai wo hai - Whatsapp aapke phone number aur IP address ko use karke aapka location data jaan payega, wo bhi tab jab aapne GPS ko disable karke rakhha hai. Yahi nahi, Whatsapp ne kaha hai ki ye location data Facebook ke server par host kiya jaa sakta hai, ya agar business users chahe to fir wo is data ko koi bhi 3rd party server me host kar sakte hain. Yaha business word ko dhyan me rakhiyega, baad me uske baare me bolunga in detail. Filhaal isi clause ko lekar sabse zyada darr hai logo me. Kuch log to ye bh keh rahehain ki abhi iska matlab hai ki Whatsapp me message karna aur Facebook pe post karna ek hi baat ho gaya hai. Kya ye sach hai? Facebook aisa kyun kar raha hai? Kya unko darr nahi hai ki unka platform doob jayega jaise Orkut doob gaya tha facebook ke aane ke baad?
Kya hai Data privacy ka issue?
The social dilemma bolke ek documentary aayi thi Netflix par jaha aapke data ko kaise Social media apps use karte hain, uska ek dangerous example diya gaya tha. Seedhi baat ye hai ki saare social media networks, aapke phone data ko acces kar paate hai kuch had tak. Whatsapp ne ye Privacy Update nikala hai jisme wo bol raha hai ki wo aapke location ko track karega. Lekin wo ye nahi keh raha hai ki wo aisa jab chahe tab kar sakta tha, yaani aapka Android ya apple phone bana hi aise hai, uska operating system ka architecture hi bana aise hai ki jab koi app chahe, wo usko aapke baare me information nikal ne ke liye use kar sakta hai. Aur iska sabse bada fayda loota hai hum sab ke dulare Google Bhaiya ne. Google pe kuch bhi search karenge to pehle 4 links advertisement honge. Wo bhi har ek ko alag ads dikhega, yaani ye automated system hai jo aapke har choice ko track kar raha hai. Aapke phone ka microphone jab chahe aapki awaaz record kar sakta hai, koi bhi aap ke command pe. Google ke privacy clause me bhi ek technical terms me aisa clause hai ki wo aapke experience ko behtar karne ke liye aisa kuch kar bhi sakta hai. Aur yahi wajah hai ki Google aaj sirf ek search engine se ek Tech Moghul ban gaya hai. Kyun ki uske paas sabka data hai jo wo Advertisers ko de raha hai, taaki products bechne waale ko pata ho ki aapko kis cheez ka need hai, wohi ad wo aapko dikhayega, aur aisa har din ho raha hai. Yakeen na aaye to kuch din experiment karke dekhiye. Aur ye hai data Privacy ka true state aaj ke duniya me. EKbahut faous quote hai isko lekar - Jab aap koi bhi product free me use karte hai - to product aap hai, yaani becha aapko jaa raha hai, aapko khali pata nahi hai.
Telegram and Signal vs Whatsapp
Ye post whatsap ke favor me nahi Likha hai maine. Mera sirf ye bolna hai ki jo baat se aap dar rahe hain, wo aapke saath already ho raha hai alag alag platform ke zariye. Lekin agar fir bhi Whatsapp ki baat ki jaye to, Whatsapp ne ye step apne business account holders ke liye liya hai. Lagbhag 15 Million Business users India me whatsapp ke zariye business karte hain. Unkoye choice diya jayega ki wo apna location data facebook ke server par host kare ya 3rd party server par. Facebook pe host karne se facebook unko unke product ke liye suitable customer positioning se madad karega. Ye Facebook ne purely advertizers ke liye step liya hai. Aapke mere jaise personal account use karne waale log jab aise Business Account ke saath interact karenge, to hume dikhega ki wo account kiska hai aur wo account ka data Facebook ya 3rd party server me hosted hai. Yaani aapka identity kahi na kahi logo ko pata chal sakta hai, wo bhi bina aapke jaane. Ye hai bada mudda. Telegram completely anonymous hai, waha automatic message delete bhi hota hai aur telegram anonymity ke liye famous hai. Signal ka end to end encryption bilkul whatsapp ke tarah hi hai. DOno platforms same protocol use karte hai. Khali Whatsapp ke saath mamla ye hai ki unka data facebook ke paas jaa raha hai aur Facebook badnaam hai pehle se, data breach ko leke. Isiliye shayad log dar rahe hain aur Whatsapp ko chor ke jaa rahe hain. Lekin practically dekhien to Whatsapp ka encryption world class hai, aur facebook ne kuch mamlo me user data access karna aur difficult kiya hai. Lekin public sentiment abhi Signal ke saath hai.
Lekin sirf public perception se kaam nahi hoga, agar peers, yaani bade companies, eksaath milke, aur population ka bada hissa signal me jaata hai to hi Whatsapp se Signal ka tranition hoga, warna dono apne alag alag space me rahenge, aur kya pata, aane waale dino me Facebook ya Google Signal ko bhi khareed le, tab kaha jayenge? Normal messaging pe log wapas jayenge nahi kyun wo interesting nahi hai, engaging nahi hai. To option kya hai social media savy humare population ke liye? Interoperability? Yaani ek platform se doosre platform pe freely communicate karna. Jaise gmail se aap yahoo mail ke adress pe mail kar sakte hain, Thunderbird client ke zariye, koi bhi apna mail address bana sakta hai. Agar aisa hua, to wo messaging ke space me ek naya revolution hoga, tab tak 19- 20 ka farak sab me rahega, magar sab ek hi coin ke do side honge.
0 Comments